تابعنا على موقع فيس بوك     تابعنا على موقع تويتر

وصفات طبخ لأكلات سهلة و لذيذة
   
  
كيكة الكاكاو وصوص الشيكولاة
 

كيكة الكاكاو وصوص الشيكولاة

 طريقة سهلة وجميلة للكيك تعالى اقولك على طريقة عمل ” كيكة الكاكاو وصوص الشيكولاة ” ولا اجمل ولا أحلى منها

يمكنك عملها بكل سهولة كل اللى عليكى حضرى المقادير وتعالى معايا طبقى الطريقة خطوة بخطوة …

المقادير:
صوص الشيكولاة:
مج كاكاو خام – من عند العطار
مج لبن بارد
مج زيت
مج سكر – ممكن مج ونصف حسب الرغبة
كيس فانيليا

الكيك:

عدد 5 بيضات
كيس فانيليا
كيس بيكينج باودر
و2 كوب دقيق
كوب سكر
باقي صوص الشيكولاتة
و3 ملاعق سمنة أو زبدة سايحة
ملحوظة
أغلب الناس بيحطوا بدل السمنة زيت علشان بتكون خفيفة اكتر لكن من الاحسن نحطلها سمنه بقري علشان طعمها بيكون أجمل

طريقة التحضير:
صوص الشيكولاة:
نضربهم مع بعض كويس أوي في الخلاط
بعد ما يتجانس الخليط هناخد منه مج واحد بس
ونحطه في الفريزر على ما نجهز الكيك

الكيك:
نضرب البيض مع الفانيليا كويس اوي على السرعة الهادية وبعدين بنزود السرعة تدريجياً
بعد كده بنضيف السكر بالتدريج لحد مايكون عامل معانا زي الكريمة
ننزل على الخليط ده بالسمنة وبعد كده الكمية المتبقية من صوص الشيكولاة
بعد كده بننزل عليه الدقيق والبيكنج باودر
ولو لقيتي الكيكة مش مدياكي القوام اللي انتي متعودة عليه وبتحبية ممكن تزودي الدقيق شوية
ادهني الصينية بالزبدة ورشي عليها الدقيق وصبي عليها
الكيكة
دخليها الفرن وتكوني مسخناه من قبلها وتسيبيه على أعلى درجة حرارة عندك لمدة عشر دقائق
وبعد كده تهدي عليها النار
بعد كده نطلع مج الصوص من الفريزر

قومى بتقطيع الحروف والأجناب والوش بتاع الكيك علشان تشرب الصوص ومايكونوش ناشفين
حتحسه انها مفروله شويه ليه بقي عشان قطعنها وهي سخنه احنا نسبها شويه لحد متبرد
بعد كده نقسمها لقسمين وتدهنيها بالصوص
على فكرة الصوص ده مابيتصبش ده بيكون تقيل وانتي بتدهنيه على الكيكة بالمعلقة
بعد كده نحط النصف التاني من الكيك بعد كده بتقطعيها مستطيلات زي الجاتو
وممكن نرش عليها بندق مبشور

وبالصحة والهنا…

المشـاهدات : 2396
 
 
العاب بنات
العاب بنات
  الشبكة الإخبارية   السيارات   مقاييس وجداول   المطبخ   الأزياء   ثقافة جنسيه
  التداوى بالأعشاب   تفسير الأحلام   أمثال شعبيه   الأبـراج   رجيم وتغذيه   أحلى كلام
  إسلاميات   موسوعة الشعر   نمط شخصيتك   دليل المواقع  
©2013 | M3loma جميع الحقوق محفوظة لشركة